مەملەكەت باسشىسى شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىنا قاتىسۋشىلارعا ارنالعان كونتسەرتكە قاتىستى, دەپ حابارلادى akorda.kz.
كونتسەرتتە قازاقتىڭ حالىق اندەرى جانە ءار ءتۇرلى ەلدەردىڭ اۋەندەرى, سونداي-اق الەمگە ايگىلى كلاسسيكالىق شىعارمالار ورىندالدى.
شاراعا شىۇ-عا مۇشە مەملەكەتتەردىڭ بەلگىلى شىعارماشىلىق ۇىمدارى قاتىستى. ولاردىڭ قاتارىندا, اتاپ ايتقاندا, «استانا وپەرا» وپەرا جانە بالەت تەاترىنىڭ سيمفونيالىق وركەسترى, اباي اتىنداعى قازاق مەملەكەتتىك اكادەميالىق وپەرا جانە بالەت تەاترى مەن «استانا بالەت» تەاترىنىڭ توپتارى, سونداي-اق م.پياتنيتسكي اتىنداعى مەملەكەتتىك اكادەميالىق ورىس حالىق حورى (رەسەي), «نادام» بي ۇجىمى ء(ۇندىستان), «اكاك» قومىزشىلار ءانسامبلى (قىرعىزستان), چجەتسزيان پروۆينتسياسىنىڭ اكروباتتىق ونەر ترۋپپاسى مەن قىتايدىڭ وپەرا جانە بي مەملەكەتتىك تەاترى, «گۇلرەز» بي ءانسامبلى (تاجىكستان), «وزبەكستان» ءان مەن بي مەملەكەتتىك ءانسامبلى بار.