بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ دومينيكان رەسپۋبليكاسىنىڭ سىرتقى ىستەر ءمينيسترى ميگەل ۆارگاسپەن كەزدەسۋ وتكىزدى.
كەزدەسۋ اياسىندا ساۋدا-ەكونوميكالىق بايلانىستار, وڭىرلىك نارىقتارعا شىعۋ, سونىمەن قاتار قازاقستاندا دومينيكاننىڭ ديپلوماتيالىق ميسسياسىن اشۋ مەن ەكى ەل اراسىنداعى ۆيزالىق رەجيمدى ىرىقتاندىرۋ ماسەلەلەرى تالقىلاندى.
الداعى «ەكسپو-2017» كورمەسىن وتكىزۋگە, ونىڭ ىشىندە بالامالى ەنەرگيا كوزدەرىن دامىتۋ مەن بۇۇ قولداۋىمەن «جاسىل» تەحنولوگيالاردى دامىتۋ جانە ينۆەستيتسيالىق جوبالار حالىقارالىق ورتالىعىن اشۋ ماسەلەلەرىنە ەرەكشە نازار اۋدارىلدى.
ايتا كەتەيىك, قازاقستان رەسپۋبليكاسى مەن دومينيكان رەسپۋبليكاسى اراسىنداعى ديپلوماتيالىق قارىم-قاتىناس 2011 جىلعى 7 ماۋسىمدا ورناتىلعان.
دومينيكان رەسپۋبليكاسى ەكسپو-2017 كورمەسىندە لاتىن امەريكاسى ەلدەرىنىڭ پاۆيلونىندا ۇسىنىلادى. بيىل 7 تامىزدا ەكسپو اياسىندا دومينيكان رەسپۋبليكاسىنىڭ ۇلتتىق كۇنى اتالىپ وتەدى.