اتاپ ايتقاندا, مەملەكەت باسشىسىنا وڭتۇستىك كورەيا ەلشىسى كيم دە سيك, يندونەزيا ەلشىسى راحمات پرامونو, رۋمىنيا ەلشىسى چەزار-مانولە ارميانۋ, سەربيا ەلشىسى ۆلادان ماتيچ سەنىم گراموتاسىن تابىس ەتتى.
وسىدان كەيىن قازاقستان پرەزيدەنتى ەلشىلەردى جوعارى مارتەبەلى قىزمەتكە تاعايىندالۋلارىمەن قۇتتىقتادى.
«بۇل سىزدەردىڭ ديپلوماتيا سالاسىنداعى جەتكەن ۇلكەن شىڭدارىڭىز بولىپ سانالادى. ءبىز تاۋەلسىزدىكتىڭ 25 جىلدىعىن جاڭا عانا اتاپ وتكەن ەلمىز, جاس مەملكەتپىز. وسى جىلداردىڭ ىشىندە كوپ قيىنشىلىقتان ءوتىپ, ەشكىم بىلمەيتىن قازاقستاندى دۇنيەجۇزىنىڭ كارتاسىنا ەنگىزدىك. ءوسىپ, وركەندەپ كەلە جاتقان ەلدەردىڭ قاتارىنا قوستىق. بۇدان كەيىن ءبىز جاڭارۋدىڭ, ورلەۋدىڭ ەكىنشى كەزەڭىنە تۇستىك. سوندىقتان مەن قازاقستاننىڭ ءۇشىنشى جاڭعىرۋى اتتى جاڭا باعدارلامانى جاريالادىم. ەكىنشىدەن, ەلىمىزدىڭ يندۋستريالىق باعدارلاماسى قارقىندى جۇزەگە اسىپ جاتىر. ءبىز كەنگە باي ەلىمىز. دەگەنمەن, التەرناتيۆتى ەكونوميكا جاساۋ ءۇشىن جاڭادان يندۋستريا قۇرۋدامىز. ۇشىنشىدەن, رۋحاني جاڭعىرۋ اياسىندا جاستاردى زامان تالابىنا ساي تاربيەلەۋدى جۇزەگە اسىرۋدامىز», - دەدى قازاقستان پرەزيدەنتى.
سونىمەن قاتار مەملەكەت باسشىسى وسى ايتىلعان باستامالاردىڭ باستى باعىتى دامىعان 30 ەلدىڭ قاتارىنا قوسىلۋ ەكەندىگىن باسا ايتتى.