حالىقارالىق شارانى وڭتۇستىك قازاقستان وبلىسىنىڭ مادەنيەت باسقارماسىنىڭ باسشىسى نۇربولات احمەتجانوۆ پەن تۇركىستان قالاسىنىڭ اكىمى الىپبەك وسەرباەۆ اشىپ بەردى.
فەستيۆال - تۇركىتىلدەس ۇلتتار اراسىنداعى باۋىرلاستىق بايلانىستار مەن دوستىقتى نىعايتۋ, تۇركى ەلدەرىنىڭ ۇلتتىق وپەرالارىن جاڭعىرتا وتىرىپ بىرلىگىن نىعايتۋ, تۇركى ەلدەرىنىڭ قازىرگى زامان وپەرا ونەرىنىڭ جارقىن وكىلدەرىن تانىستىرىپ, ولاردىڭ شىعارماشىلىعىن كەڭىنەن ناسيحاتتاۋ ماقساتىندا ۇيىمداستىرىلدى.
فەستيۆالدىڭ باس ديريجەرى - قازاقستاننىڭ ەڭبەك سىڭىرگەن قايراتكەرى, اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ديرەكتورى جانە كوركەمدىك جەتەكشىسى - اسقار بورىباەۆ. سونىمەن قاتار, فەستيۆالگە قاراقالپاقستاننىڭ حالىق ءارتىسى, وزبەكستانداعى ا.ناۆوي اتىنداعى مەملەكەتتىك اكادەميالىق وپەرا جانە بالەت تەاترىنىڭ ديريجەرى ايدا ابدۋللاەۆا جانە وڭتۇستىك قازاقستان وبلىستىق وپەرا جانە بالەت تەاترىنىڭ باس ديريجەرى قۋانىش يسمايلوۆ قاتىستى.
XX-شى تۇركسوي حالىقارالىق وپەرا جۇلدىزدارىنىڭ فەستيۆالىندە تۇركيا, قىرعىزستان, وزبەكستان, قاراقالپاقستان مەملەكەتتەرىنىڭ جانە استانا, الماتى, شىمكەنت قالالارىنىڭ وپەرا جۇلدىزدارى ونەر كورسەتۋدە. اتاپ ايتقاندا, قىرعىزستاننىڭ ەڭبەك سىڭىرگەن ءارتىسى اسەل بەكباەۆا, قاراقالپاقستاننىڭ ەڭبەك سىڭىرگەن ءارتىسى جەڭىسبەك پيازوۆ, تۇركيا مەملەكەتىنەن حالىقارالىق بايقاۋلاردىڭ لاۋرەاتى چانەر اكگيۋن, وزبەكستاننان حالىقارالىق بايقاۋلاردىڭ لاۋرەاتى نەمات حابيبوۆ, استانا وپەرا تەاترىنىڭ ءسوليستى, قر ەڭبەك سىڭىرگەن قايراتكەرى جان تاپين, الماتى قالاسىنداعى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ جەتەكشى سوليستەرى, قر مەملەكەتتىك سىيلىعىنىڭ يەگەرى تالعات كۇزەمباەۆ, قر ەڭبەك سىڭىرگەن قايراتكەرلەرى گۇلزات داۋىرباەۆا جانە بولات بوكەنوۆ, وبلىستىق وپەرا جانە بالەت تەاترىنىڭ جەتەكشى سوليستەرى قر مادەنيەت قايراتكەرى ءۇرالحان سەيلبەكوۆا, حالىقارالىق بايقاۋلاردىڭ لاۋرەاتتارى گۇلجان راسكاليەۆا, مارات ورازمەتوۆ, ەرلان جاندارباي, ءمادىحان دۇيسەەۆ, جۇمابەك قاڭتارباەۆ, قاراكوز ابدۋشاريپوۆا, ايدوس يمانجاپپاروۆ, قارلىعا بەرديار كوپشىلىككە ونەر تارتۋىن ارنادى.