گازەت-جۋرنالدار ساتۋ دەڭگەيىنىڭ تومەندەۋ سەبەبى قاراجاتقا بايلانىستى بولىپ وتىر. بۇل تۋرالى بۇگىن اقپارات جانە كوممۋنيكاتسيالار ءمينيسترى داۋرەن اباەۆ پارلامەنت ماجىلىسىندە بولعان «ۇكىمەت ساعاتىندا» دەپۋتات شاۆحات وتەمىسوۆتىڭ سۇراعىنا جاۋاپ بەرۋ بارىسىندا ايتتى.
"گازەت ساتاتىن كيوسكىلەر كىرىسى تومەن بولىپ, پايدا كورمەيتىندىكتەن جابىلىپ جاتىر. سوندىقتان وقىرماندار مادەنيەتىن قالىپتاستىرۋىمىز كەرەك. سونداي اق باق ساتۋدىڭ وزىق ادىستەرىن مەڭگەرگەن دۇرىس. بىزدە گازەت-جۋرنال ساتاتىن كيوسكىلەر ەشقاشان تەمەكى ساتپايدى. ال دامىعان شەتەلدەردە, سونىڭ ىشىندە فرانتسيادا تەمەكىنى جانە قوعامدىق كولىكتىڭ ءجۇرۋ بيلەتتەرىن تەك گازەت كيوسكىلەرىندە ساتادى. مۇنداي كيوسكىلەرگە كەلگەن ادامدار كوزىنە تۇسكەن گازەتتى دە الا كەتەدى. وسىنداي تاجىريبەنى ءبىز دە ەسكەرۋىمىز كەرەك", دەدى مينيستر.
جاقسىباي سامرات, "ەگەمەن قازاقستان".