اقمولا وبلىستىق پروكۋراتۋراسىنىڭ 3 لاۋازىمدى قىزمەتكەرى ۇستالدى, دەپ حابارلايدى باس پروكۋراتۋرا.
«اعىمداعى جىلدىڭ 4 جەلتوقسانىندا قازاقستان رەسپۋبليكاسى باس پروكۋراتۋراسى ىشكى قاۋىپسىزدىك باسقارماسىنىڭ قىزمەتكەرلەرى قىزمەتتىك جاعدايىن اسىرا پايدالاندى جانە زاڭسىز اڭشىلىق جاسادى دەگەن كۇدىكپەن اقمولا وبلىسى پروكۋراتۋراسىنىڭ ءۇش جاۋاپتى قىزمەتكەرىن ۇستادى», – دەلىنگەن اتالعان حابارلامادا. سونىمەن قاتار, ۆەدومستۆونىڭ حابارلاۋىنشا, قازىرگى ۋاقىتتا دالەلدەمەلەر جيناۋ جانە بەكىتۋ بويىنشا قاجەتتى تەرگەۋ ارەكەتتەرىنىڭ بارلىق كەشەنى جۇرگىزىلۋدە. ەگجەي-تەگجەيلى اقپارات, سونداي-اق, تەرگەپ-تەكسەرۋدىڭ بارىسى باق-تا جاريالاناتىن بولادى.