بۇگىن بالۋان شولاق اتىنداعى سپورت سارايىندا ءوتىپ جاتقان سپورتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسى كۋبوگىنىڭ جارتىلاي فينالىنا ىرىكتەۋ ويىندارىندا تاەكۆوندودان (WTF) بىرلەسكەن كوماندالىق جارىستار اياقتالدى.
جارىس قورىتىندىسى بويىنشا وڭتۇستىك قازاقستان وبلىسىنىڭ كومانداسى الماتى قالاسىنىڭ كومانداسىن 51-50 ۇپاي سانىمەن جەڭىپ, فينالعا ءوتتى.
باتىس قازاقستان مەن جامبىل وبلىسى سپورتشىلارى اراسىنداعى سايىستا 36-41 ۇپاي سانىمەن جامبىل وبلىسى تاەكۆوندوشىلارى جەڭىسكە جەتتى.
ەسكە سالا كەتەيىك, 3-4 جەلتوقساندا الماتىداعى بالۋان شولاق اتىنداعى سپورت سارايىندا سپورتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسى كۋبوگىنىڭ جارتىلاي فينال جانە فينالدىق كەزەڭى وتەدى.