مەملەكەت باسشىسى قاسىم-جومارت توقاەۆ ورتالىق رەفەرەندۋم كوميسسياسى توراعاسى نۇرلان ءابدىروۆتى قابىلدادى. كەزدەسۋدە الداعى رەسپۋبليكالىق رەفەرەندۋمدى ۇيىمداستىرۋ جانە وعان دايىندىق بارىسى تالقىلاندى, دەپ جازادى Egemen.kz.
پرەزيدەنتكە رەفەرەندۋمدى وتكىزۋگە بايلانىستى اتقارىلىپ جاتقان جۇمىستار, دايىندىق دەڭگەيى جانە نەگىزگى ۇيىمداستىرۋشىلىق ماسەلەلەر جونىندە مالىمەت بەرىلدى.
قاسىم-جومارت توقاەۆ رەفەرەندۋمدى وتكىزۋ بارىسىندا اشىقتىق پەن زاڭ تالاپتارىنىڭ قاتاڭ ساقتالۋى ماڭىزدى ەكەنىن ايتتى. سونداي-اق مەملەكەت باسشىسى ءاربىر ازاماتتىڭ ءوز تاڭداۋىن ەركىن جاساۋىنا تەڭ مۇمكىندىك بەرىلۋى قاجەت ەكەنىنە ەرەكشە نازار اۋداردى.
ەسكە سالايىق, كەشە مەملەكەت باسشىسى گرۋزيا پرەمەر-مينيسترىمەن تەلەفون ارقىلى سويلەستى.