ماڭعىستاۋدا ق. سىديىقوۆ اتىنداعى ماڭعىستاۋ وبلىستىق امبەباپ كىتاپحاناسىنىڭ ۇجىمىنا جاڭا كونستيتۋتسياعا ەنگىزىلگەن وزگەرىستەردى ءتۇسىندىرۋ ماقساتىندا كەزدەسۋ ءوتتى, دەپ حابارلايدى Egemen.kz وڭىرلىك قوعامدىق كوممۋنيكاتسيا ورتالىعىنا سىلتەمە جاساپ.
جيىنعا ماڭعىستاۋ وبلىستىق كواليتسيا مۇشەلەرى مەن كىتاپحانا قىزمەتكەرلەرى قاتىستى. باسقوسۋدا جاڭا كونستيتۋتسياداعى وزگەرىستەر مەن تولىقتىرۋلار جان-جاقتى ءتۇسىندىرىلدى. ماڭىزدى قۇجاتتى ارنايى 130 مۇشەدەن تۇراتىن كونستيتۋتسيالىق كوميسسيانىڭ قاراعانى ايتىلدى. قۇجاتتاعى ءبىلىم, عىلىم, يننوۆاتسيا, جاساندى ينتەللەكت, ءتىل ماسەلەلەرى جانە تابيعاتتى قورعاۋ باعىتىنداعى جاڭاشىلدىقتار تالقىلاندى.
ۇلتتىق ارحيۆ قىزمەتكەرلەرىنە جاڭا كونستيتۋتسيا جوباسى ءتۇسىندىرىلدى
ق. سىديىقوۆ اتىنداعى ماڭعىستاۋ وبلىستىق امبەباپ كىتاپحاناسى كىتاپحاناشىسى ءمولدىر مىرزاتاەۆا جاڭا كونستيتۋتسياعا قاتىستى پىكىر ءبىلدىردى.
«بۇگىن وڭىرلىك كواليتسيا مۇشەلەرى جاڭا كونستيتۋتسياعا بايلانىستى ءتۇسىندىرۋ جۇمىستارىن جۇرگىزىپ, ناقتى ءارى تولىق اقپارات بەردى. ءوز ويىمدى ايتار بولسام, قازىرگى تاڭدا جاڭا اتا زاڭىمىزعا وزگەرىستەر ەنگىزىلىپ, ادام ءومىرى مەن قۇقىعى باستى قۇندىلىق رەتىندە ايقىندالدى. بۇل وزگەرىستەردى مەن قولدايمىن. سەبەبى كوپبالالى انا رەتىندە جانە ەرەكشە قاجەتتىلىگى بار بالالاردى تاربيەلەپ وتىرعان انالاردى قولداۋ ماسەلەسىنە ەرەكشە كوڭىل بولىنگەن. بالالاردىڭ دەنى ساۋ قۇرداستارىمەن ءبىر مەكتەپتە ءبىلىم الىپ, قوعامدا بىرگە ءومىر سۇرۋىنە جاعداي جاساۋ باعىتىندا ماڭىزدى ءارى وڭ وزگەرىستەر ەنگىزىلگەن دەپ ەسەپتەيمىن. سونىمەن قاتار ءتىل تۋرالى زاڭداعى وزگەرىستەر دە كوڭىل قۋانتادى. جالپى ەنگىزىلىپ جاتقان بارلىق وزگەرىستەردى قولدايمىن جانە حالىقتى 15 ناۋرىزدا وتەتىن رەفەرەندۋمدى قولداۋعا شاقىرامىن», دەدى ءمولدىر مىرزاتاەۆا.
ماڭعىستاۋ اتوم ەنەرگەتيكالىق كومبيناتىنىڭ ۇجىمى جاڭا كونستيتۋتسيانى قولدادى