ەل مەكتەپتەرىندە ءۇشىنشى وقۋ توقسان اياقتالۋعا جاقىن. بەلگىلەنگەن كەستەگە سايكەس, 2026 جىلعى كوكتەمگى ءۇزىلىس 19 ناۋرىزدا باستالىپ, 29 ناۋرىزعا دەيىن جالعاسادى. جالپى 11 كۇنگە سوزىلاتىن بۇل دەمالىس ناۋرىز مەيرامىمەن تۇسپا-تۇس كەلەدى, دەپ جازادى Egemen.kz.
وقۋشىلار ءۇشىن دەمالىس الدىنداعى سوڭعى وقۋ كۇنى – 18 ناۋرىز. ال 30 ناۋرىز كۇنى مەكتەپ پارتاسىنا قايتا ورالىپ, وقۋ جىلىنىڭ قورىتىندى كەزەڭى – ءتورتىنشى توقسانعا بىلەك سىبانا كىرىسپەك.
بيىلعى ءۇشىنشى توقسان 10 اپتاعا سوزىلدى. الداعى ءتورتىنشى توقسان شامامەن 8 اپتاعا جوسپارلانعان. بەكىتىلگەن كۇنتىزبە بويىنشا, 2026 جىلعى 25 مامىردا وقۋ جىلى اياقتالىپ, سوڭعى قوڭىراۋ سوعىلادى. وسىدان كەيىن وقۋشىلار ءۇشىن كوپتەن كۇتكەن جازعى دەمالىس باستالادى.
ەسكە سالا كەتەيىك, بۇگىن استانادا اۋا رايىنىڭ كۇرت سۋىتۋىنا بايلانىستى ءبىرىنشى اۋىسىمدا وقيتىن 0-9 سىنىپ وقۋشىلارى قاشىقتان وقۋ فورماتىنا اۋىستىرىلدى.