بۇگىن, 30 قاراشا كۇنى, ن.بەكەجانوۆ اتىنداعى قازاق مۋزىكالىق دراما تەاترىندا قر تۇڭعىش پرەزيدەنتى كۇنىنە وراي سالتاناتتى جيىن ءوتتى. قىزىلوردا وبلىسىنىڭ اكىمى قىزىلوردالىقتاردى مەرەكەمەن قۇتتىقتادى.
- تاۋەلسىزدىكتىڭ قالىپتاسۋ جىلدارى ەلباسى ءۇشىن دە, ەل ءۇشىن دە وڭاي بولدى دەپ ەشكىم دە ايتا المايدى.قازاقستاندى شيكىزات ءوندىرۋشى رەتىندە پايدالانىپ كەلگەن ورتالىق بيلىك كۇيرەدى. ايلار بويى جالاقى, جىلدار بويى زەينەتاقىلار بەرىلگەن جوق. 1992-1993 جىلدارى رۋبل سابان اقشاعا اينالدى. بارلىق پروبلەمالارىمەن جەكە-دارا قالعان قازاقستاندى مەملەكەت باسشىسى نۇرسۇلتان ءابىش ۇلى نازارباەۆ بۇكىل قيىندىقتان الىپ شىقتى. ىشكى ەكونوميكالىق جاعدايدى قالىپقا كەلتىرۋدىڭ بىردەن-ءبىر جولى ينۆەستيتسيا تارتۋ ەكەندىگىن ءتۇسىنىپ, الىس-جاقىن شەتەلدەرمەن تىعىز قارىم-قاتىناس ورناتا ءبىلدى. بۇل تۇرعىدا ەلباسىنىڭ ەڭبەگى ۇشان-تەڭىز,- دەدى ايماق باسشىسى.
سالتاناتتى شارادا «ەلباسى جانە سىر ەلى» تاقىرىبىندا بەينەروليك كورسەتىلىپ, سوڭى قر ەڭبەك سىڭىرگەن ءارتىسى تالعات مۇساباەۆ جانە جەرگىلىكتى ونەر يەلەرىنىڭ قاتىسۋىمەن كونتسەرتتىك باعدارلاماعا ۇلاستى.