قاراعاندىدا اكىمشىلىك ايىپپۇلداردى ءوندىرىپ الۋ دەڭگەيىن كوتەرۋگە باعىتتالعان شارالار كەشەنى جۇزەگە اسۋدا. جىل باسىنان بەرى قالالىق ءىىب پوليتسيا قىزمەتكەرلەرى اكىمشىلىك قۇقىق بۇزۋشىلىقتار ءۇشىن 107 مىڭنان استام ادامدى جاۋاپ تارتىپ, 671 ميلليون تەڭگە ايىپپۇل سالعان. ونىڭ 286 ميلليون تەڭگەسى ءوندىرىپ الىندى, دەپ حابارلادى قاراعاندى وبلىسى ءىىد ءباسپاسوز حاتشىسى.
ءمالىم بولعانداي, ءوندىرىپ الۋ پايىزى 42,7% قۇرايدى. قر اقبك 895-بابىنا سايكەس, 261 ميلليون 466 مىڭ تەڭگەگە 22 902 ايىپپۇل تولەۋدى ماجبۇرلەپ ورىنداتۋ قاۋلىسى شىعارىلدى. ونىڭ 74 ميلليون 882 مىڭ تەڭگەسى 6 023 قۇقىق بۇزۋشىلىق بويىنشا ءوندىرىلدى.
قاراعاندى ءىىب اكىمشىلىك پوليتسيا ءبولىمى جەكە سوت ورىنداۋشىلارمەن بىرىگىپ, ايىپپۇلداردى ءوندىرۋ جۇمىسىن ۇيىمداستىرۋدا. وبلىستىڭ اكىمشىلىك پوليتسيا قىزمەتكەرلەرى كولىك قۇرالدارىن توقتاتقاندا وندىرىلمەگەن ايىپپۇلدار بويىنشا تەكسەرەدى جانە تۇسىندىرمە جۇمىستارىن جۇرگىزەدى. اتالعان جەدەل-ىزدەستىرۋ شاراسى اياسىندا وندىرىلمەگەن ايىپپۇلدى ەڭبەكاقىدان ۇستاپ قالۋ ءۇشىن قۇقىق بۇزۋشىنىڭ جۇمىس ورنىنا قاۋلى جىبەرىلەدى. سونداي-اق, ءىرى اۆتوتۇراقتار تەكسەرىلىپ, «اۆتوۋراگان» ۇيالى كەشەنى ارقىلى ايىپپ ۇلى بار كولىك يەلەرىنە حابارلاما بەرۋ جۇمىستارى ۇيىمداستىرىلادى.
قالالىق اكىمشىلىك پوليتسيانىڭ ۋچاسكەلىك ينسپەكتورلارىنا ايىپپۇل تولەۋدى ماجبۇرلەپ ورىنداتۋ قاۋلىسى شىعارىلعان تۇلعالاردىڭ ءتىزىمى مەكەنجايىمەن قوسا بەرىلەدى.