قىتايدا قۇرىلىس جۇرگىزىپ جاتقان جۇمىسشىلار تاس بولىپ قالعان دينوزاۆردىڭ قاڭقاسىن تاپتى, دەپ حابارلادى 24.kz.
عالىمداردىڭ ايتۋىنشا, ول 60-70 ميلليون جىل بۇرىن بور داۋىرىندە ءومىر سۇرگەن بولۋى مۇمكىن.
ماماندار دينوزاۆر قاڭقاسىنا قاراپ, ونى باتپاققا باتىپ, سول جەردەن شىعا الماي ولگەن بولۋى مۇمكىن دەگەن بولجام جاسادى. سونىمەن قاتار, ولار دينوزاۆر جاڭعاق, ءداندى داقىلدار جانە جۇمساق دەنەلى ومىرتقاسىز جاندىكتەرمەن ازىقتانعان دەپ سانايدى.
«دەنەسى ۋاق مالدىڭ كولەمىندەي بولعان. اسا ءىرى ەمەس. قاناتتارى بولعانمەن, ۇشا الماعان. قاناتتى تەك جاۋىنا قارسى تۇرۋعا نەمەسە ءبىر-ءبىرىنىڭ نازارىن اۋدارۋ ءۇشىن پايدالانعان بولۋى مۇمكىن. اۋزىندا ءتىسى بولماعانىمەن, تۇمسىقتى. سوندىقتان تيراننوزاۆرلار سياقتى جىرتقىش نەمەسە تەك شوپپەن قورەكتەنگەن برونتوزاۆرعا ۇقسايدى دەپ ايتۋعا كەلمەيدى», – دەدى پالەونتولوگ ستيۆ بريۋساتتە.