بەيبىتشىلىك جانە كەلىسىم سارايىندا باستالعان XI يننوۆاتسيالىق فورۋمىندا استانا قالاسىنىڭ اكىمى اسەت يسەكەشەۆ وسى ايدىڭ سوڭىندا جاڭا يننوۆاتسيالىق جوبالاردى جاريالايتىنىن مالىمدەدى, دەپ xابارلادى قازاقپارات.
قالا باسشىسىنىڭ ايتۋىنشا, بۇگىندە يننوۆاتسيالاردى دامىتۋعا ارنالعان ۇكىمەتتىك باعدارلامادان بولەك قالانىڭ ءوز باعدارلاماسى بار.
«سولاردىڭ ءبىرىن ءبىز «دامۋ قورىمەن بىرلەسىپ ىسكە اسىرىپ كەلەمىز. سونىمەن قاتار, جەرگىلىكتى بيۋدجەتتىڭ ەسەبىنەن قارجىلاندىرىلاتىن جوبالار بار, ياعني ءبىز ستارتاپ جوبالارعا قولداۋ جاساپ وتىرامىز. وتكەن اپتادا نازارباەۆ ۋنيۆەرسيتەتىمەن بىرگە ستارتاپ سەسسيانى وتكىزدىك. جىلدىڭ اياعىنا دەيىن ۇزدىك يننوۆاتسيالىق كومپانيالارعا 30 ملن. تەڭگە بولىنەدى», – دەپ اتاپ كورسەتتى ءا.يسەكەشەۆ.
اكىمنىڭ سوزىنە قاراعاندا, قاراشانىڭ 30-ى كۇنى ەلوردادا استانا Smart city اتتى xالىقارالىق فورۋم ۇيىمداستىرىلادى. «سول جەردە ءبىز ءوزىمىزدىڭ العاشقى جوبالارىمىزدى جاريالايمىز», – دەپ اتاپ كورسەتتى قالا باسشىسى.
ايتا كەتەيىك, بۇگىندە ەلوردادا وزىق تەxنولوگياداردى كەڭىنەن قولدانۋ شارالارى اتقارىلىپ كەلەدى. سەبەبى, كەلەسى جىلى استانادا ەكسپو-2017 كورمەسى وتەدى. ال ودان كەيىن كورمە ايماعىندا «استانا xالىقارالىق قارجى ورتالىعىن ۇيىمداستىرۋ جوسپارلانعان.