قىرعىزستاندا ءتۇرلى سالالادا 400 مىڭ بالا جۇمىس ىستەپ جاتىر, دەپ حابارلايدى كيرتاگ. بۇل مالىمەتتەر قىرعىزستاننىڭ بالالاردى قورعاۋ باسقارماسى مەن الەۋمەتتىك دامۋ مينيسترلىگى تۇركيا, تاجىكستانمەن بىرلەسىپ اتقارعان "ورتالىق ازياداعى بالالار ەڭبەگىن شەكتەۋ" اتتى جوبا بارىسىندا بەلگىلى بولدى.
قىرعىزستاننىڭ ستاتيستيكالىق مالىمەتتەرىنە سەنسەك, 2014 جىلى بۇل كورسەتكىش 27,8 پايىزعا ازايىپ, 414 246 بالانى قۇراعان. ال رۇقسات ەتىلگەن جۇمىس ورىندارىندا 166 319 كامەلەتتىك جاسقا تولماعاندار ەڭبەك ەتەدى.