بۇگىن استانادا مەملەكەتتىك حاتشى گۇلشارا ابدىقالىقوۆانىڭ باسشىلىعىمەن پرەزيدەنت جانىنداعى ازاماتتىق ماسەلەلەر جونىندەگى كوميسسيانىڭ كەزەكتى وتىرىسى ءوتتى.
جيىندا مەملەكەتتىك حاتشى گ.ابدىقالىقوۆا تاۋەلسىزدىكتىڭ 25 جىلىندا ەلىمىزگە 983 مىڭ 733 ازامات تۇراقتى تۇرۋعا كەلگەنىن, بۇل دەرەك مەملەكەت باسشىسىنىڭ پاراساتتى باسشىلىعى ارقاسىندا ءوسىپ-وركەندەگەن ەلىمىزدىڭ الەۋمەتتىك-ەكونوميكالىق جەتىستىكتەرىن, ورنىقتى دامۋىن, ۇلتارالىق كەلىسىم مەن تۇراقتىلىقتىڭ بەرىك ورناعانىن كۋالاندىراتىنىن اتاپ ءوتتى.
جيىندا بەلگىلى بولعانداي, ەل تاۋەلسىزدىگىنىڭ 25 جىلدىعى قارساڭىندا كوپتەگەن ادامدارعا قازاقستان ازاماتتىعى بەرىلمەك. ناقتىلاي ايتقاندا, ەلباسى نۇرسۇلتان نازارباەۆ ءتيىستى جارلىققا قول قويعاننان كەيىن جاقىن جانە الىس شەتەلدەردەن كەلگەن ءتۇرلى ۇلتتىڭ 622 وكىلى قازاقستان ازاماتى اتاناتىن بولادى.
جولدىباي بازاروۆ,
"ەگەمەن قازاقستان".