ەلباسى: مەديتسينالىق ساقتاندىرۋ جۇيەسىن حالىققا ءتۇسىندىرۋ كەرەك

  مەملەكەت باسشىسىنىڭ توراعالىعىمەن جاڭعىرتۋ جونىندەگى ۇلتتىق كوميسسيا جۇمىسىنىڭ ماسەلەلەرى جونىندەگى كەڭەستە ەلباسى الەۋمەتتىك مەديتسينالىق ساقتاندىرۋ جۇيەسىن ەنگىزۋ جونىندە جۇرگىزىلىپ جاتقان رەفورمالاردىڭ ماڭىزدىلىعىنا توقتالدى. بۇل تۋرالى اقوردانىڭ ءباسپاسوز قىزمەتى حابارلادى. – مەن وسى ماسەلەنىڭ شەشىمىنە قاتىستى ەرەكشە تۇسىنىستىك تانىتقاندارىڭىزدى قالايمىن. قازىرگى كەزدە قيىندىقتار بار ەكەنىنە قاراماستان, بۇل – وتە پروگرەسسيۆتى باعىت. حالىق اراسىندا ءتيىستى دايىندىق وتكىزىپ, ءتۇسىندىرۋ جۇمىستارىن جۇرگىزۋ قاجەت, – دەدى مەملەكەت باسشىسى. سونىمەن قاتار وسى جيىندا قازاقستان پرەزيدەنتى «استانا» حالىقارالىق قارجى ورتالىعى جانىنان حالىقارالىق اربيتراجدىق ورتالىق قۇرۋ جونىندەگى جۇمىستاردى تەزدەتۋ كەرەكتىگىن ايتىپ, شەتەلدىك ينۆەستورلاردى تارتۋدىڭ, رەسپۋبليكا بويىنشا ءوندىرىس كۇشتەرىن جۇيەلى تۇردە ءبولۋدىڭ ايرىقشا ءمانى بار ەكەنىن اتاپ ءوتتى. ۇكىمەت پەن باسقا دا مۇددەلى ورگاندار جۇمىسىنداعى كەمشىن تۇستاردى اتاپ ءوتىپ, بۇل باعىتتاعى جۇمىستى جانداندىرۋدى تاپسىردى.