Apple كومپانياسى 2017 جىلى شىعاتىن iPhone 8 ۇيالى تەلەفوندارى ءۇشىن Samsung Display كومپانياسىنىڭ 60 ملن دانا OLED-پانەلىنە تاپسىرىس بەرگەن, دەپ حابارلايدى tengrinews.kz
كەلىسىمشارت قۇنى 4,3 ملرد اقش دوللارىن قۇرايدى.
The Investor پورتالىنىڭ مالىمەتىنشە, وتكەن جىلى كورەيلىك جانە امەريكالىق كومپانيالار جاڭا iPhone ءۇشىن 100 ملن OLED-پانەلىن ورناتۋعا كەلىسكەن. ەگەر جىل سايىن Apple 200 ملن سمارتفون ساتاتىنىن ەسكەرسەك, Samsung Display كومپانياسى iPhone 8 ۇيالى تەلەفوندارىن 80 پايىز ەكرانمەن قامتيتىن بولادى.
ايتا كەتەيىك, 2017 جىلى Apple كومپانياسى iPhone ءوندىرىسىن 10 پايىزعا تومەندەتەتىنىن حابارلانعان بولاتىن.