امەريكاداعى ەڭ بيىك بوگەت اپات الدىندا تۇر, 200 مىڭ ادام قاۋىپسىز ايماققا كوشىرىلۋدە, دەپ حابارلايدى tengrinews.kz
كاليفورنيا شتاتى وروۆيلل كولىندەگى بوگەت وتكەن عاسىردىڭ 60-جىلدارى سالىنعان. ونىڭ بيىكتىگى 230 مەتردى قۇرايدى, ال ونداعى سۋدىڭ مولشەرى شامامەن – 4,3 ملرد كۋب.
تولاسسىز جاۋعان جاۋىننىڭ اسەرىنەن بوگەتتىڭ نەگىزگى بولىگىنە زاقىم كەلگەن, سودان كەيىن قوسالقى دامبالار دا مۇجىلگەن. جەرگىلىكتى بيلىك وكىلدەرىنىڭ ايتۋىنشا, بوگەتتىڭ بۇزىلۋى سۋ تاسقىنىنا الىپ كەلىپ, جاقىن ماڭدا ورنالاسقان وروۆيلل, گريدلي, بيگگس, يۋبا-سيتي, لوما ريكا, لايۆ وك, مەريسۆيلل, ۋيتلەند جانە تاعى باسقا قالالاردى سۋ باسىپ قالۋ قاۋپى تۋىنداۋى مۇمكىن.
قازىرگى ۋاقىتتا اپاتتىڭ الدىن الۋ ءۇشىن وروۆيلل كولىنىڭ دەڭگەيىن تومەندەتىپ جاتىر, سۋ قاشىرتقىسىنىڭ دەڭگەيىن 2,8 مىڭ كۋب مەترگە دەيىن تۇسىرگەن.