بانك سەكتورىن ساۋىقتىرۋ ماقساتىندا, پروبلەمالىق نەسيەلەر قورىنا 2 ترلن تەڭگە بولىنەدى. بۇل تۋرالى بۇگىن قر ۇلتتىق بانك باسشىسىنىڭ ورىنباسارى ولەگ سمولياكوۆ ءمالىم ەتتى, دەپ حابارلايدى قازاقپارات.
«بانك سەكتورىن ساۋىقتىرۋ تاپسىرمالارىن ورىنداۋ اياسىندا پروبلەمالىق نەسيەلەر قورىن كاپيتالداندىرۋ قاراستىرىلعان», - دەپ اتاپ ءوتتى سمولياكوۆ «2017-2019 جىلدارعا ارنالعان رەسپۋبليكالىق بيۋدجەت تۋرالى» زاڭدى تانىستىرۋ كەزىندە.
دەپۋتاتتاردىڭ اتالمىش كاپيتاليزاتسيانىڭ كولەمى تۋرالى قويىلعان ساۋالىنا ۇلتتىق بانك وكىلى: «2 ترلن تەڭگە», - دەپ جاۋاپ قاتتى.
«قازىرگى ۋاقىتتا قور ءتۇرلى پرينتسيپتەرمەن جۇمىس ىستەۋدە. ونىڭ نورماتيۆتىك-قۇقىتىق بازاسى جاسالدى. وندا قور شارتتى قارجىلاندىرۋدى جۇرگىزە الادى, سونىمەن قاتار اكتيۆتەردى ءتۇرلى فورماتتاردا: بالانستىق قۇنى بويىنشا جانە نارىقتىق باعاسى بويىنشا ساتىپ الا الادى», - دەدى ولەگ سمولياكوۆ.