بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ ەكونوميكا ماسەلەلەرى جونىندەگى ساراپتامالىق كەڭەستىڭ كەزەكتى وتىرىسىن وتكىزدى, دەپ حابارلادى primeminister.kz.
وتىرىس بارىسىندا مەملەكەتتىك وڭىرلىك ساياساتتى دامىتۋ ماسەلەلەرى تالقىلاندى. ساراپتامالىق كەڭەس مۇشەلەرى رەسپۋبليكاداعى اعىمداعى جاعدايعا الدىن الا تالداۋ جۇرگىزدى جانە اتالعان ماسەلە بويىنشا بىرقاتار ۇسىنىستار جاسالدى.
تالقىلاۋ قورىتىندىسى بويىنشا ب. ساعىنتاەۆ سايكەس مەملەكەتتىك ورگاندارعا ساراپشىلارمەن بىرگە ۇسىنىلعان ۇسىنىستارعا تەرەڭ زەرتتەۋ جۇرگىزۋدى جانە كەلەسى وتىرىسقا كەلىسىلگەن پوزيتسيالاردى ەنگىزۋدى تاپسىردى.
ەسكە سالساق, ەكونوميكا ماسەلەلەرى جونىندەگى ساراپتامالىق كەڭەس قر پرەمەر-ءمينيسترىنىڭ وكىمىمەن قۇرىلعان جانە ونىڭ ءبىرىنشى وتىرىسى 2016 جىلعى 9 جەلتوقساندا ءوتتى.