"استانا ارلاندارى" كاسىپقوي بوكس كلۋبى وزبەكستان ەلىنىڭ كومانداسىمەن كۇش سىناسادى. 18 اقپاندا بۇكىلالەمدىك بوكس سەرياسىنىڭ جەكپە-جەگى تالدىقورعان قالاسىندا وتەدى, دەپ جازدى "استانا ارلاندارى" كلۋبىنىڭ رەسمي سايتى.
بكوماندانىڭ باس باپكەرى نۇرلان اقۇرپەكوۆتىڭ ايتۋىنشا, وزبەك بوكسشىلارىمەن وتەتىن جەكپە-جەك وڭايعا تۇسپەيدى. بىلتىرعى ماۋسىمدا جارتىلاي فينالعا دەيىن جەتكەن كوماندادا الەم جانە وليمپيادا ويىندارىندا جۇلدە العان بوكسشىلار بار. «ءدال قازىر وزبەك كومانداسىنان كىمدەردىڭ شىعاتىنى بەلگىسىز. ءبىز بارىنشا اقپارات جيناپ, ءار سالماق دارەجەسىندەگى بوكسشىلاردىڭ بارلىعىنا قارسى ايلا-تاسىلدەرىمىزدى ويلاستىرىپ جاتىرمىز. وتكەن اپتادا ولار قىتاي كومانداسىنان ۇتىلدى. ەندى بارىن سالاتىنى انىق», دەيدى ن. اقۇرپەكوۆ.
18 اقپاندا وزبەكستاندىق كوماندامەن بولاتىن ايقاستان كەيىن «ارلاندار» 4 ناۋرىزدا «China Dragons» كومانداسىن قابىلدايدى. ال 18 ناۋرىزدا رەسەيلىكتەرمەن كەزدەسەدى.