قر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ كوميتەتىنىڭ استانا قالاسى بويىنشا باسقارماسى اشىق ەسىك كۇندەرىن وتكىزۋدە, دەپ حابارلايدى ەلوردا اكىمدىگىنىڭ رەسمي سايتى.
شارانىڭ ماقساتى - قوعام وكىلدەرىن تولىققاندى جانە جەتكىلىكتى تۇردە اقپاراتتاندىرۋ, جانە باقىلاۋشى ورگاندار تاراپىنان قىسىمدى تومەندەتۋ, جەكە كاسىپكەرلىكتى دامىتۋ بارىسىندا اكىمشىلىك كەدەرگىلەردى جويۋ.
شارا بارىسىندا جاۋاپتى قىزمەتكەرلەر كاسىپكەرلىك سۋبەكتىلەرىنە كەڭەس بەرىپ, مەملەكەتتىك باقىلاۋ جانە قاداعالاۋ ورگاندارى جۇرگىزەتىن تەكسەرۋلەردى جۇرگىزۋدىڭ ءتارتىبىن رەگلامەنتتەيتىن زاڭ تالاپتارىن تۇسىندىرەدى.
اشىق ەسىك كۇندەرى 13 اقپاننان باستاپ 28 اقپانعا دەيىن جالعاسادى. شارا استانا قالالىق قۇقىقتىق ستاتيستيكا جانە ارنايى ەسەپكە الۋ باسقارماسىنىڭ كەڭسەسىندە وتۋدە. مەكەمەنىڭ مەكەن-جاى استانا قالاسى, وماروۆ كوشەسىسى 60, 103.