تەرەكتى اۋدانى بوگدانوۆ اۋىلدىق وكرۋگىنە قاراستى العاباس ەلدى مەكەنىندە «اۆS-مۇناي» جشس مۇناي وڭدەۋ زاۋىتىن سالۋ كوزدەلۋدە, دەپ حابارلايدى «قازاقپارات».
اۋدان اكىمى مۇرات مۇقاەۆتىڭ ايتۋىنشا, وندا جوعارى ساپالى بيتۋم, ديزەلدى وتىن, كەروسين مەن بەنزين وندىرىلمەكشى. شەتەلدىك ينۆەستورلار قولعا العالى وتىرعان جوبا قۇنى 400 ملن. اقش دوللارىنان اسادى.
زاۋىت قۇرىلىسى ءۇش جىلعا جوسپارلانعان, وعان 500-دەي ادام تارتىلماقشى. ال زاۋىت ىسكە قوسىلعان كەزدە 200 ادام ەڭبەك ەتسە, سونىڭ جارتىسى جەرگىلىكتى تۇرعىندار بولماق.
قۇرىلىس كەزىندە پودستەپنىي-فەدوروۆ-رف شەكاراسى باعىتىنداعى جولدىڭ ءبىر تارماعى رەتىندە العاباس ستانساسىنا دەيىن جول سالىنباقشى.
جالپى, اۋداندا جەتى-سەگىز جاڭا جوبا جۇزەگە اسىرىلماق. اتالمىش زاۋىت - سونىڭ ءبىرى», دەدى «قازاقپارات» تىلشىسىنە مۇرات مۇقاەۆ.