قازاقستان پرەزيدەنتىنىڭ توراعالىعىمەن ەكونوميكانىڭ جەدەلدەتىلگەن تەحنولوگيالىق جاڭعىرتىلۋىنىڭ ماسەلەلەرى ءجونىندەگى كەڭەس ءوتتى, دەپ حابارلادى پرەزيدەنتتىڭ ءباسپاسوز قىزمەتى.
كەڭەسكە پرەمەر-مينيستر, ۇلتتىق بانك توراعاسى, ۇكىمەت مۇشەلەرى, استانا قالاسىنىڭ اكىمى, ۇلتتىق حولدينگتەر مەن كومپانيالار, سونداي-اق, ەلىمىزدىڭ جەتەكشى كاسىپورىندارىنىڭ باسشىلارى قاتىستى.
جيىن بارىسىندا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنىڭ ءبىرىنشى باسىمدىعى رەتىندە اتالعان ەكونوميكانىڭ جەدەلدەتىلگەن جاڭعىرتىلۋى جونىندەگى شارالار تالقىلاندى.
سونداي-اق, تسيفرلىق تەحنولوگيالاردى قولدانا وتىرىپ, جاڭا يندۋستريانى دامىتۋ جانە بازالىق سالالاردى تەحنيكالىق قايتا جاراقتاندىرۋدىڭ كەشەندى شارالارىن ازىرلەۋ ماسەلەلەرى قاراستىرىلدى.
قازاقستان پرەزيدەنتى كەڭەس قورىتىندىسى بويىنشا بىرقاتار ناقتى تاپسىرما بەردى.