تۇركىمەنستاندا پرەزيدەنت سايلاۋى رەسمي تۇردە اياقتالدى. سايلاۋعا قاتىسۋشىلاردىڭ 97,27% پايىزى داۋىس بەردى. بۇل تۋرالى ريا «نوۆوستي» اقپارات اگەنتتىگى حابارلادى.
بارلىعى 3 ميلليون 228 مىڭ 866 ادامنىڭ 3 ميلليون 140 مىڭ 865-ءى 2587 سايلاۋ ۋچاسكەسىندە داۋىس بەردى. سايلاۋ ناتيجەسى الداعى جەتى كۇننىڭ ىشىندە جاريالانۋى ءتيىس.
پرەزيدەنتتىك تالاسقا 9 ۇمىتكەر قاتىستى. داۋىس بەرۋشىلەردىڭ جارتىسىنان استامى قولداعان كانديدات پرەزيدەنت اتانادى. 2016 جىلدىڭ 14 قىركۇيەگىندە بەكىتىلگەن زاڭ بويىنشا پرەزيدەنت 7 جىل مەرزىمگە سايلانادى.