قىتايداعى «I am a singer» xالىقارالىق بايقاۋىنا قاتىسىپ جاتقان ديماش قۇدايبەرگەن كانن كينوفەستيۆالىندە ۇلتتىق پاۆيلوننىڭ اشىلۋىندا ونەر كورسەتەدى, دەپ xابارلايدى قازاقپارات.
«بيىل مامىردىڭ 17-18-ءى كۇندەرى وتەتىن كانن كينوفەستيۆالىنىڭ 70 جىلدىعى اياسىندا قازاقستاندىق كينوعا ارنالعان ۇلتتىق پاۆيلون اشىلادى. اتالعان پاۆيلون مادەنيەت جانە سپورت مينيسترلىگىنىڭ قولداۋىمەن ورناتىلادى. وعان قازاق ۇلتتىق ونەر ۋنيۆەرسيتەتىنىڭ ۇجىمى دا اتسالىسادى. ۇلتتىق پاۆيلوننىڭ اشىلۋىنا وراي ۋنيۆەرسيتەت ونەرپازدارىنىڭ كونتسەرتى وتەدى. وعان ديماش تا قاتىسادى دەگەن جوسپار بار. ول ەلگە تانىمال مۋزىكانتتارمەن بىرگە ءوز ونەرىن پاش ەتپەك», - دەيدى ۋنيۆەرسيتەت رەكتورى ايمان مۇساقوجاەۆا.
ايتا كەتەيىك, بۇعان دەيىن قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجاەۆا ءۇشىنشى كۋرستا وقيتىن ديماش قۇدايبەرگەن اقش-تىڭ لوس-اندجەلەس قالاسىنا وقۋعا بارۋى مۇمكىن دەپ مالىمدەگەن.