تەننيستەن فەدەراتسيا كۋبوگى ازيا/تىنىق مۇحيت ەلدەرى زوناسىنىڭ I توبىندا قازاقستان قۇراماسى جاپونيانى جارىس جولىنان شىعارىپ, پلەي-وفف كەزەڭىنە جولداما الدى, دەپ حابارلايدى قازاقپارات.
يۋليا پۋتينتسەۆا, ياروسلاۆا شۆەدوۆا, گالينا ۆوسكوبوەۆا جانە كاميلا كەرىمباەۆا استانادا وتكەن ىرىكتەۋ كەزەڭىندە جەڭىسكە جەتتى. توپتىق كەزەڭدە وتانداستارىمىز وڭتۇستىك كورەيا مەن تايلاند قۇرامالارىنان ايلاسىن اسىردى. ال شەشۋشى ويىندا قازاقستان قۇراماسى جاپونيامەن كەزدەسىپ, تارتىستى ايقاستا 2:1 ەسەبىمەن جەڭىسكە جەتتى.
وسىلايشا, تەننيسشى قىزدارىمىز فەدەراتسيا كۋبوگىنىڭ پلەي-وفف كەزەڭىنە جولداما الدى. جەرلەستەرىمىز ەندى 2-ءشى الەمدىك توپتىڭ ناتيجەسىن كۇتىپ, جەرەبەدەن كەيىن ءوز قارسىلاسىن انىقتايدى.