استانا ۋاقىتىمەن بۇگىن 15:32-دە برەنت ماركالى مۇناي قۇنى باررەلىنە 57,08 دوللارعا جەتتى.
ايتا كەتەيىك, سوڭعى رەت قارا التىن قۇنى وسىدان ءبىر ايداي ۋاقىت بۇرىن 6 قاڭتار كۇنى 57 دوللاردان اسقان بولاتىن. ناقتىراق ايتار بولساق, 6 قاڭتار كۇنى برەنتتىڭ باررەلى لوندون قور بيرجاسىنداعى كەشكى سەسسيادا 57,32 باررەلگە دەيىن كوتەرىلىپ, سەسسيانى 57 دوللار اينالاسىندا قورىتىندىلاعان بولاتىن.
مۇنايدىڭ قىمباتتاۋى, ساراپشىلاردىڭ پىكىرىنشە, وپەك ەلدەرىنىڭ مۇناي ءوندىرىسىن ازايتۋى. ەستەرىڭىزگە سالا كەتەيىك, وتكەن جەلتوقساندا نارىقتا تاۋلىگىنە 1,8 ملن باررەل ءوندىرىس ازايتامىز دەپ كەلىسكەن وپەك+ ەلدەرى قازىرگى تاڭدا بۇل كورسەتكىشتىڭ 83 پايىزىن ورىنداپ قويدى.