قىزىلوردا وبلىسىنىڭ قارماقشى اۋدانىنا قۇس فابريكاسىنىڭ قۇرىلىسى باستالدى. بۇل تۋرالى قىزىلوردا وبلىسىنىڭ اكىمى قىرىمبەك كوشەرباەۆ ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جۇزەگە اسىرۋعا ارنالعان يدەولوگيالىق اكتيۆ جيىنىندا مالىمدەدى.
-اۋىل شارۋاشىلىعى ونىمدەرىن وڭدەۋ ماسەلەسىنىڭ اقساپ تۇرعان جايى بار. سوندىقتان وسى باعىتقا ەرەكشە نازار اۋدارۋىمىز قاجەت. بۇل ءۇشىن ازىق-ت ۇلىك وندىرىسىنە ينۆەستيتسيالار تارتۋدا جانە ونىمدەرىن تەرەڭ وڭدەۋ بويىنشا زاۋىتتاردى قۇرۋدا بارلىق كۇشىمىزدى سالۋعا ءتيىسپىز,-دەدى ايماق باسشىسى.
ق.كوشەرباەۆ وبلىستىق اۋىل شارۋاشىلىعى باسقارماسى مەن «بايقوڭىر» الەۋمەتتىك كاسىپكەرلىك كورپوراتسياسىنا اعىمداعى جىلى قارماقشى اۋدانىندا قۇس فابريكاسىنىڭ قۇرىلىسىن باستاۋدى تاپسىردى.