2016 جىلى قىزىلوردا وبلىسىندا وڭدەۋ سەكتورىنداعى ءوسىم 15 % -دى قۇرادى. بۇل تۋرالى قىزىلوردا وبلىسىنىڭ اكىمى قىرىمبەك كوشەرباەۆ مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جۇزەگە اسىرۋعا ارنالعان وبلىستىق يدەولوگيالىق اكتيۆ جيىنىندا مالىمدەدى.
جولداۋدا پرەزيدەنت ەڭبەك ونىمدىلىگىن ارتتىرۋدى تاپسىرعان بولاتىن. سوڭعى جىلدارى قىزىلوردا وبلىسى وڭدەۋشى سەكتوردى تۇراقتى دامىتۋعا قول جەتكىزدى. 2016 جىلدىڭ قورىتىندىسى بويىنشا بۇل سالاداعى ءوسىم 15 پايىزدى قۇرادى. 2012 جىلمەن سالىستىرعاندا ءوسىم 52 پايىز. وسى سالاداعى ەڭبەك ونىمدىلىگى 6 ەسە (رەسپۋبليكادا 2,4 ەسە) وسكەن.
ناتيجەسىندە ونەركاسىپ قۇرىلىمىندا وڭدەۋ سەكتورىنىڭ ۇلەسى 4 ەسەگە, ال, ايماقتىق جالپى ءونىم قۇرىلىمىندا 3,5 ەسە ءوستى.
-ءبىز قارقىندى تومەندەتپەۋىمىز قاجەت. يننوۆاتسيانى قولداۋ جانە ولاردى وندىرىسكە جىلدام ەنگىزۋ جاڭا يندۋستريانى قالىپتاستىرۋدىڭ ماڭىزدى شارتى بولىپ تابىلادى. سوندىقتان كاسىپورىنداردا ەڭبەك ونىمدىلىگىن ارتتىرۋ ءۇشىن وبلىس اكىمىنىڭ ورىنباسارى ە. كيمگە 2017 جىلدىڭ 15 ناۋرىزىنا دەيىنگى مەرزىمدە جاڭا تەحنولوگيالاردى ەنگىزۋدىڭ مۇمكىندىكتەرىن زەرتتەۋدى تاپسىرامىن, - دەدى وبلىس اكىمى.