اقتاۋداعى جىلجىمايتىن نارىقتا باعا ءتۇسىمى جالعاسىپ جاتىر. قاڭتار ايىندا باعا 3,2 پايىز جوعالتقان. جەلتوقسانمەن سالىستىرعاندا شارشى مەتر ءۇي 8 350 تەڭگەگە ارزانداپ, 249 400 تەڭگەنى قۇرادى, دەپ جازادى krisha.kz.
ايتا كەتۋ كەرەك, قازىرگى باعا جارتى جىل بۇرىنعى كورسەتكىشتەن 14 پايىزعا تومەن. تامىز ايىندا شارشى مەتر باسپانا ورتاشا ەسەپپەن 291 520 تەڭگە بولعان ەدى. بۇل قازىرگى كورسەتكىشتەن 42 120 تەڭگەگە كوپ.
جىل بويى ءبىر شارشى مەتردىڭ باعاسى 39% ارزاندادى. وتكەن جىلدىڭ قاڭتارىندا شارشى مەتر ءۇي 428 100 تەڭگە بولسا, بۇل كورسەتكىش قازىرگىدەن 178 700 تەڭگەگە ارتىق.
وسىلايشا, 12 اي ىشىندە 40 مەترلىك ءبىر بولمەلى ءۇي باعاسى 7 ملن تەڭگەگە ارزانداعان.