بۇگىن استانا ۋاقىتىمەن تاڭعى ساعات 09:00-دە لوندون قور بيرجاسىندا برەنت ماركالى مۇناي قۇنى كەشەگى سەسسيامەن سالىستىرعاندا 1,05 دوللارعا قىمباتتاپ, 56,60 دوللارعا ساۋدالاندى, دەپ جازادى investing.
مۇناي باعاسىنىڭ قىمباتتاۋىنا تۇرتكى بولعان وپەك ەلدەرىنىڭ ءوندىرىستى ازايتۋ تۋرالى كەلىسىمىنىڭ ءوز ۋاقىتىمەن ورىندالۋى. قازىرگى تاڭدا ۇيىم مۇشەلەرى جوسپارلى كورسەتكىشتىڭ 83 پايىزىن ورىنداپ, نارىقتاعى ەكسپورت كولەمىن ايتارلىقتاي قىسقارتتى.
ال بۇگىن تۇندە اقش فەدەرالدى قورىنىڭ بيىلعى جىلعى العاشقى وتىرىسى ءوتىپ, وندا دوللاردىڭ پايىزدىق ۇستەمەاقىسى وزگەرىسسىز 0,75 پايىز دەڭگەيىندە قالدى. بۇنى فەدەرالدى قور باسشىسى دجاننەت يەللەن اقش ەكونوميكاسىنىڭ ارتۋى, ەلدەگى جۇمىسسىزدىق ازايۋىمەن بايلانىستىردى. يەللەننىڭ وسى سوزىنەن كەيىن دوللاردىڭ وزگە ۆاليۋتالارعا شاققانداعى باعامى كوتەرىلە ءتۇستى.
ال بۇگىن KASE-ءنىڭ تاڭعى سەسسياسىندا ءبىر اقش دوللارى 324,78 تەڭگەگە تەڭەستى. دوللاردىڭ كوتەرىلگەنىمەن, تەڭگە باعامىنىڭ تۇسپەۋى مۇناي باعاسىنىڭ كوتەرىلگەنىمەن بايلانىستى بولسا كەرەك.