ۇلتتىق بانك "قازينۆەستبانك" اق سالىمشىلارىنىڭ دەپوزيتتەرىنە كەپىلدىكپەن وتەماقى تولەۋدىڭ ءتارتىبىن ءتۇسىندىرىپ بەردى, - دەپ حابارلايدى ۇلتتىق بانكتىڭ ءباسپاسوز قىزمەتى.
ءباسپاسوز قىزمەتىندەگىلەردىڭ مالىمەتىنشە, تەڭگەمەن جانە شەتەل ۆاليۋتاسىمەن سالىنعان دەپوزيتتەر, تولەم كارتوچكالارىنداعى جانە بانك شوتتارىنداعى اقشا قازاقستاننىڭ دەپوزيتتەرگە كەپىلدىك بەرۋ قورىنىڭ كەپىلدىگىمەن قورعالعان.
"كەپىلدىكتىڭ ەڭ جوعارعى شەگى تەڭگەمەن دەپوزيتتەر بويىنشا 10 ميلليون تەڭگەگە دەيىن; شەتەل ۆاليۋتاسىنداعى دەپوزيتتەر بويىنشا 5 ميلليون تەڭگەگە دەيىن. كەپىلدىك بەرىلگەن سوما شەگىندەگى مىندەتتەمەلەر بويىنشا بانكتىڭ بارلىق سالىمشىلارى مەن كليەنتتەرى زاڭنامادا بەلگىلەنگەن مەرزىمدە وتەماقى الادى: قدكق سوتتىڭ ءتيىستى شەشىمى زاڭدى كۇشىنە ەنگەن كۇننەن باستاپ 14 جۇمىس كۇنى ىشىندە تولەي باستايتىنى تۋرالى حابارلايدى. بانكتىڭ سالىمشىلارى مەن كليەنتتەرى قدكق سالىمشىلارمەن ەسەپ ايىرىسۋ ءۇشىن اگەنت ەتىپ تاعايىنداعان ءوز قالاسىنداعى بانك بولىمشەسىنە جۇگىنە الادى, ءوتىنىش بەرىپ, 5 جۇمىس كۇنى ىشىندە وتەماقى الادى", - دەدى قازاقستاننىڭ دەپوزيتتەرگە كەپىلدىك بەرۋ قورىنىڭ توراعاسى باقىت قوعىلوۆ. سونداي-اق, ول بارلىق تولەمدەردىڭ سوتتىڭ شەشىمى زاڭدى كۇشىنە ەنگەن كۇنگى باعام بويىنشا تەڭگەمەن تولەنەتىنىن ايتىپ ءوتتى.
باقىت قوعىلوۆتىڭ ايتۋىنشا, قدكق-دا بانكتىڭ وتەماقى الۋعا قۇقىلى 8 292 سالىمشىسى مەن كليەنتىنىڭ (جەكە تۇلعالاردىڭ) 99,7 پايىزى وتەماقىنى تولىق كولەمدە, قالعان سالىمشىلارىنىڭ كەپىلدىك بەرىلگەن سوما شەگىندە الاتىنىن اتاپ ءوتتى.
"قدكق-نىڭ تولەم جاساۋ جونىندەگى مىندەتتەمەلەرى 768 ميلليون تەڭگەنى قۇرايدى. جەكە تۇلعالار الدىنداعى كەپىلدىك بەرىلگەن سومادان اساتىن مىندەتتەمەلەر جانە ەسەپتەلگەن سىياقى بويىنشا تاراتۋ ءوندىرىسى بارىسىندا تاراتۋ كوميسسياسى ەسەپ ايىرىسادى - بۇل مىندەتتەمەلەر 4-كەزەككە جاتقىزىلاتىن بولادى. سوڭعى دەرەكتەر بويىنشا, قازاقستاننىڭ دەپوزيتتەرگە كەپىلدىك بەرۋ قورىنىڭ سالىمشىلارمەن ەسەپ ايىرىسۋعا ارنالعان قاراجاتى 500 ملرد. تەڭگەنى قۇرايدى", - دەپ ناقتىلادى قوعىلوۆ.
ايتا كەتەيىك, "قازينۆەستبانك" اق-تىڭ سالىمشىلارى دەپوزيتتەرگە كەپىلدىك بەرۋ ماسەلەلەرى بويىنشا قوسىمشا اقپاراتپەن, جاڭارتىلعان رەداكتسياداعى زاڭنامامەن www.kdif.kz.سايتىنان تانىسا الادى. مامانداردىڭ كونسۋلتاتسياسى "جەدەل جەلىدەگى" 8 8000 80 10 20 ءنومىرى بويىنشا (قوڭىراۋ شالۋ تەگىن) نەمەسە +7 (727) 291 5689 تەلەفونىمەن بەرىلەدى. بارلىق ماسەلەلەر بويىنشا "قازينۆەستبانك" اق-تىڭ "جەدەل جەلىدەگى" +7 (727) 2619 060 (ىشكى 5007) تەلەفونى بويىنشا, ۇلتتىق بانكتىڭ بانكتەردى قاداعالاۋ دەپارتامەنتىندەگى +7 (727) 270 48 93 تەلەفونى بويىنشا, قر ۇلتتىق بانكى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسىنا +7 (727) 278 80 84 تەلەفونى بويىنشا نەمەسە «قۇبOnline» ءموبيلدى قوسىمشاسى ارقىلى الۋعا بولادى.
سونىمەن بىرگە سالىمشىلار قرۇب-نىڭ الماتى قالاسى, ايتەكە بي كوشەسى, 67 مەكەنجايىنداعى قوعامدىق قابىلداۋ بولمەسىنە جۇگىنە الادى. انىقتاما ءۇشىن تەلەفون+7(727) 261 9213. قوعامدىق قابىلداۋ بولمەسىنىڭ جۇمىس ىستەيتىن ۋاقىتى: كۇن سايىن ساعات 10:00-دەن 17:00-گە دەيىن (ساعات 12:30 -14:30 ءۇزىلىس). الدىن الا جازىلۋ تالاپ ەتىلمەيدى.