بيىلعى جىلعى قازاق پوەزياسى ءوزىنىڭ جاڭا داۋىرلەۋ كەزەڭىندەگى ەكى الىبىنىڭ مەرەيتويلارىمەن ەرەكشەلەنىپ وتىر. «ءبارىنەن دە قاسىمنىڭ دەسى باسىم», دەپ ءسوز ونەرىنىڭ حاس تالانتىنا باس يگەن مۇقاعالي ماقاتاەۆتىڭ 80 جىلدىعى الاتاۋ باۋرايىنداعى قاراسازدا دۇبىرلەپ وتسە, ۇستازدىعىن ءپىر تۇتقان قاسىم امانجولوۆتىڭ 100 جىلدىعى ەرتەڭ قاراعاندىدا باستالىپ, قارقارالىدا جالعاسادى. وسىعان بايلانىستى ءىس-شارالار باعدارلاماسى سان الۋان. سولاردىڭ ءبىر پاراسى مىناداي.
*8 قىركۇيەكتە ق.امانجولوۆ اندەرى مەن ولەڭدەرىنە جازىلعان ءاندەر فەستيۆالى اشىلىپ, مەرەيتوي يەسى تۋرالى بەينەفيلمنىڭ كورسەتىلىمى بولادى. سودان سوڭ اقىندار ايتىسى ءوتىپ, «دوسىمنىڭ ءۇيلەنۋى» سپەكتاكلى قويىلادى.
*9 قىركۇيەكتە قاراعاندى وبلىسىنىڭ اكىمى س.احمەتوۆ ادەبيەت جانە ونەر قايراتكەرلەرىمەن كەزدەسىپ, سودان كەيىن ق.امانجولوۆ ەسكەرتكىشىنىڭ اشىلۋ سالتاناتى بولادى. وسى كۇنى مەرەكەلىك عىلىمي-تاجىريبەلىك كونفەرەنتسيا مەن جازبا اقىندار جىر-ءمۇشايراسى وتەدى.
*10 قىركۇيەكتە قارقارالىدا قۇنانباي مەشىتىنە ءمىناجات جاسالىپ, اۋدان ورتالىعىنداعى ورتالىقتاندىرىلعان كىتاپحاناعا اقىن ەسىمىن بەرۋ ءراسىمى وتەدى. وسىدان كەيىن مەرەيتويدىڭ سالتاناتتى اشىلۋى بولىپ, ونەر جۇلدىزدارى كونتسەرت قويادى. الامان بايگە وتەدى.