قازاقستاننىڭ ايەلدەر اراسىنداعى جەكەلەي سىنداعى ءبىرىنشى راكەتكاسى ەلەنا رىباكينا دۋبايدا ءوتىپ جاتقان WTA 1000 ساناتىنداعى ايەلدەر اراسىنداعى ءتۋرنيردى جەڭىسپەن باستادى, دەپ حابارلايدى Egemen.kz.
الەمدىك رەيتينگتە ءۇشىنشى ورىندا تۇرعان سپورتشى جارىستا ءبىرىنشى ءنومىرلى بولىپ تىركەلدى. سەبەبى بىرىككەن اراب امىرلىكتەرىندە الەمنىڭ ءبىرىنشى جانە ەكىنشى راكەتكالارى – بەلارۋستىك ارينا سوبولەنكو مەن پولشالىق يگا شۆەنتەك ونەر كورسەتپەيدى.
ەلەنا رىباكينا ەكىنشى اينالىمعا ءوتتى. بۇل كەزەڭدە ونىڭ قارسىلاسى اۋستراليالىق كيمبەرلي بيررەلل بولدى. ماتچ ەكى سەتتە 1:6, 2:6 ەسەبىمەن اياقتالدى.
ماتچ بارىسىندا رىباكينا التى ەيس جاساپ, ءبىر قوس قاتەلىككە جول بەردى جانە التى برەيك-پوينتتىڭ تورتەۋىن ءساتتى پايدالاندى.
ءۇشىنشى اينالىمدا قازاقستاندىق سپورتشى الەمنىڭ 67-راكەتكاسى, حورۆاتيالىق انتونيا رۋجيچپەن كەزدەسەدى. بۇل ماتچتىڭ جەڭىمپازى شيرەك فينالعا جولداما الادى.