فوتو: اشىق دەرەككوز
بۇعان دەيىن مەملەكەت باسشىسى استانانى دامىتۋ جايلى كەڭەستە قالانىڭ كولىك-ترانزيت الەۋەتىن ارتتىرۋ ءۇشىن جاڭا اۋەجاي سالۋ مۇمكىندىگىن قاراستىرۋ قاجەت ەكەنىن ايتقان بولاتىن.
پرەزيدەنتتىڭ ايتۋىنشا, ۇكىمەت وسىعان قاتىستى ءوز ۇستانىمىن ايقىنداپ, ناقتى شەشىم قابىلداۋى قاجەت. سونداي-اق مەملەكەت باسشىسى كوممۋنالدىق ينفراقۇرىلىمدى جەدەل جاڭعىرتۋدىڭ ماڭىزى زور ەكەنىن اتاپ ءوتتى.
الماتى اۋەجايىن سۋ باستى: مەكەمە باسشىلىعىنا قانداي شارا قولدانىلادى؟
قازىر استانا قالاسىندا حالىق سانىنىڭ ءوسۋ قارقىنى جوعارى. سونىمەن قاتار تۋريستىك اعىن مەن الەۋمەتتىك-ەكونوميكالىق دامۋ پەرسپەكتيۆالارى دا ارتىپ كەلەدى. وسىعان بايلانىستى 2035 جىلعا دەيىنگى قالانىڭ باس جوسپارىن ىسكە اسىرۋ اياسىندا ەكىنشى اۋەجاي سالۋ جوسپارلانعان.
قازىرگى تاڭدا نىساننىڭ ورنالاسۋ ورنى بويىنشا جوبالىق ىزدەستىرۋ جۇمىستارى جۇرگىزىلىپ جاتىر. سونداي-اق قولدانىستاعى اۋەجايدى دامىتۋ بويىنشا كەشەندى شارالار قولعا الىنعان. ماسەلەن, ەكىنشى ۇشۋ-قونۋ جولاعىن سالۋ جوباسى اياسىندا جوبالىق-ىزدەستىرۋ جۇمىستارى قارقىن الدى. ونىڭ قۇرىلىس-مونتاج جۇمىستارى بيىلعا جوسپارلانعان.
ۇقج №2 پايدالانۋعا بەرىلگەننەن كەيىن اۋەجايدىڭ ۇزدىكسىز جۇمىس ىستەۋى قامتاماسىز ەتىلەدى. سونداي-اق ءبىرىنشى ۇشۋ-قونۋ جولاعىنا كۇردەلى جوندەۋ جۇرگىزۋگە مۇمكىندىك تۋادى. بۇل جولاق 20 جىلدان استام ۋاقىت بويى جوندەلمەگەن, سوندىقتان ونى قازىرگى قاۋىپسىزدىك جانە پايدالانۋ ستاندارتتارىنا ساي جاڭارتۋ قاجەت.
بۇدان بولەك, اۋەجايدىڭ وتكىزۋ قابىلەتى جىلىنا 40 ملن جولاۋشىعا دەيىن ارتادى.
