شىعىس قازاقستان وبلىسىنداعى بالالار ءتىس ەمحاناسىنىڭ 53 جۇمىسشىسى ەكى ايدان بەرى ءتيىستى جالاقىسىن الا الماي كەلگەن. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى, دەپ جازادى Egemen.kz.
وسكەمەن قالاسىنىڭ پروكۋراتۋراسى ازاماتتاردىڭ كونستيتۋتسيالىق قۇقىقتارىنىڭ ساقتالۋىنا جۇرگىزىلگەن تالداۋ اياسىندا «بالالار ستوماتولوگيالىق ەمحاناسى» شجق-داعى مكك قىزمەتىنەن ەڭبەك زاڭناماسىنىڭ بۇزىلۋىن انىقتادى.
مەديتسينالىق مەكەمە باسشىلىعى ەڭبەكاقى تولەۋ بويىنشا مىندەتتەمەلەرىن ورىنداماعان. سالدارىنان 53 قىزمەتكەر ەكى ايدان استام ۋاقىت بويى جالاقىسىن الا الماعان.
باس پروكۋراتۋرا شىمكەنتتە كوز جۇمعان سارباز تۋرالى پىكىر ءبىلدىردى
پروكۋرورلىق قاداعالاۋ اكتىسى بويىنشا بەرەشەك تۇزىلگەنى انىقتالىپ, مەديتسينا قىزمەتكەرلەرىنىڭ زاڭدى قۇقىقتارى قالپىنا كەلتىرىلدى. ناتيجەسىندە 17,5 ملن تەڭگەدەن استام سوماداعى جالاقى قارىزى تولىق كولەمدە وتەلدى.
ەڭبەك زاڭناماسىنىڭ ساقتالۋى ماسەلەلەرى پروكۋراتۋرا ورگاندارىنىڭ تۇراقتى باقىلاۋىندا.
قىزىلوردادا 700 ملن تەڭگەدەن استام جالاقى قارىزى ءوندىرىلدى
ايتا كەتەيىك, بۇعان دەيىن اقمولا وبلىسىندا 1 700-دەن استام مۇعالىمنىڭ جالاقى قارىزى تولىق وتەلگەنى تۋرالى جازعان بولاتىنبىز.