مەملەكەت باسشىسى نۇرسۇلتان نازارباەۆتىڭ اتىنا پاۆلودار وبلىسى جۇرتشىلىق وكىلدەرىنەن قۇتتىقتاۋ حات كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
حاتتا تاۋەلسىز ەلىمىزدىڭ قىسقا مەرزىم ىشىندە مىقتى مەملەكەتكە اينالعانى اتاپ وتىلگەن.
– ەل تاۋەلسىزدىگىنىڭ 25 جىلدىعىنا ارنالعان سالتاناتتى جيىندا ءسىزدىڭ باياناۋىل ءوڭىرى تۋرالى ايتقان جىلى لەبىزىڭىز بارشا پاۆلودار جۇرتشىلىعىنا رۋحاني جىگەر بەردى, – دەلىنگەن حاتتا.
سونداي-اق, جۇرتشىلىق وكىلدەرى ەلىمىزدىڭ ءوسىپ-وركەندەۋى جولىنداعى زور ەڭبەگى ءۇشىن قازاقستان پرەزيدەنتىنە شەكسىز العىستارىن ايتىپ, كەلە جاتقان جاڭا جىلمەن قۇتتىقتادى.