استانادا بيىكتىگى 65 مەترلىك شولۋ دوڭگەلەگى سالىنىپ جاتىر. ونىڭ جانىندا جالپى اۋدانى 41780 م2 قۇرايتىن اكۆاپارك پايدا بولادى. اتالعان نىساندار 2017 جىلدىڭ شىلدە ايىندا پايدالانۋعا بەرىلمەك. بۇل تۋرالى استانا اكىمدىگىنىڭ ءباسپاسوز قىزمەتى.
قازىرگى كەزدە «دۋمان» ويىن-ساۋىق ورتالىعى عيماراتىنىڭ ءبىر بولىگىن قايتا جوندەۋ جۇمىستارى جۇرگىزىلىپ جاتىر. جالپى اۋدانى 6,3724 گا جەردە اكۆاپارك پەن شولۋ دوڭگەلەگى ورنالاسپاق. اتتراكتسيون 32 كابينادان تۇرادى, سونداي-اق اۋا باپتاۋ جانە جىلىتۋ جۇيەلەرىمەن جابدىقتالادى. بۇل ەلوردا تۇرعىندارى مەن قوناقتارىنا قالانىڭ كوركىن جىل بويى تاماشالاۋعا مۇمكىندىك بەرەدى. سونىمەن قاتار, ءتورت اسا جايلى كابينا جاسالماق. اتتراكتسيون تاۋلىك بويى جۇمىس ىستەيتىن بولادى.
بۇدان باسقا, اكۆاپاركتىڭ وتكىزۋ قابىلەتتىلىگى جىلىنا 240-250 مىڭ ادامدى قۇرايدى. ويىن-ساۋىق كەشەنىندە سۋداعى اتتراكتسيوندار, فۋدكورت جانە شەشىنەتىن ورىندار بولادى.