اۋىل شارۋاشىلىعى ونىمدەرىن قايتا وڭدەۋگە باسىمدىق بەرىلەدى

2017 جىلدان باستاپ كوكتەمگى دالالىق جۇمىستارعا بەرىلەتىن نەسيە جىلدىق 3 پايىزعا دەيىن ازايتىلاتىن بولادى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا اۋىل شارۋاشىلىعى مينيسترلىگى وسىمدىك شارۋاشىلىعى ونىمدەرىن ءوندىرۋ جانە قايتا وڭدەۋ دەپارتامەنتىنىڭ ديرەكتورى اجار قاجىبەكوۆا مالىمدەدى. ونىڭ ايتۋىنشا, وسىمدىك ءوسىرۋ ونىمدەرىن ءتيىمدى دامىتۋ ماق­سا­تىندا ءونىمدى قايتا وڭدەۋ جانە ءوت­كىزۋ ينفراقۇرىلىمىنا بايلانىس­تىرا وتىرىپ, ءوندىرىس­تەردى وڭىرلىك مامانداندىرۋ قامتاماسىز ەتىلەتىن بولادى. «بۇل ماقساتتا ءونىمدى ساقتاۋ, تاسىمالداۋ, قايتا وڭدەۋ جانە وتكىزۋ ينفراقۇرىلىمىن سالۋ, مينەرالدى تىڭايتقىشتار مەن پەستيتسيدتەردى پايدالانۋ, سونداي-اق جوعارى رەپرودۋكتسيالى تۇقىم ءوندىرۋ جانە پايدالانۋ قولعا الىناتىن بولادى, سونىڭ ارقاسىندا مول استىق جانە ساپالى ءونىم الۋعا مۇمكىندىك تۋادى», – دەپ مالىمدەدى ا.قاجىبەكوۆا. سونداي-اق, دەپارتامەنت ديرەكتورى وسىمدىك ءوسىرۋ سالاسىنداعى باستى وزگەرىس گەكتار بويىنشا سۋبسيديالاۋدان قايتا وڭدەۋگە بەرىلگەن ءونىمدى سۋبسيديالاۋعا ءوتۋ ەكەنىن اتاپ ءوتتى. «قايتا وڭدەلەتىن مايلى داقىل مەن قانت قىزىلشاسىن سۋبسيديالاۋ قايتا وڭدەيتىن كاسىپورىنداردىڭ وندىرىستىك قۋاتتىلىعىن ارتتىرۋعا ىقپال ەتەدى», – دەدى ول. بۇدان بولەك, كوكتەمگى ەگىس جۇ­مىستارىنا ارنالعان نەسيە ءدان­دى داقىلداردان باسقا, كارتوپ, كوك­ونiس-باقشا, مايلى جانە باسقا دا داقىلداردى ەگۋگە بەرىلەدى. ا.قاجىبەكوۆانىڭ ايتۋىنشا, «قازاگرو» ۇبح» اق-تىڭ قارجى ۇيىم­دارى ارقىلى بەرىلەتىن نەسيەلەر بويىنشا ءتيىمدى پايىزدىق مولشەرلەمەنى بەلگىلەۋ جوسپارلانۋدا. «ماسەلەن, كەلەسى جىلدان باس­تاپ كوكتەمگى-دالالىق جۇمىستارعا ارنالعان نەسيە سوڭعى تۇتىنۋشى ءۇشىن 3 پايىزدىق جىلدىق ءمول­شەرلەمەمەن بەرىلەدى», – دەدى دەپارتامەنت ديرەكتورى. ايدار ورىسباەۆ, «ەگەمەن قازاقستان»