فرانتسيالىق تەڭىزشى توماس كوۆيل جەر شارىن تريمارانمەن ءبىر ءوزى توقتاماي ءجۇزىپ وتۋدەن دۇنيەجۇزىلىك رەكورد ورناتتى, دەپ حابارلايدى حابار24.
48 جاستاعى ساياحاتشى الەمدى 49 كۇن, ءۇش ساعاتتا اينالىپ شىققان. وسىلايشا 2008 جىلى جەرلەسى فرانسۋا جويونوم جاساعان رەكوردتى جاڭارتتى. ونىڭ كورسەتكىشى 57 كۇن بولاتىن. جاڭا رەكوردشى بۇل كورسەتكىشكە بەسىنشى مۇمكىندىگىندە قول جەتكىزىپ وتىر. ايتۋىنشا, بارىن سالىپ, توقتاماي ءجۇزۋ ءۇشىن تاۋلىگىنە 3 ساعات قانا ۇيىقتاپ, فيزيكالىق مۇمكىندىگىن سارقا پايدالانعان.
"قايىقتى باسقارۋ قيىن بولدى. ءبىر عانا قاتەلىك جىبەرسەڭ قازا تابۋىڭ مۇمكىن. بۇل ەشقانداي قورعانىشسىز تاۋعا ورمەلەگەنمەن بىردەي. بىراق ەڭ كەرەمەتى ءجۇزىپ كەلە جاتقاندا كوك اسپان مەن تەڭىزدىڭ ورتاسىندا ءوزىڭدى ۇشىپ كەلە جاتقانداي سەزىنەسىڭ," - دەيدى ساياحاتشى توماس كوۆيل.