قىرعىزستان ەۋرازيالىق ەكونوميكالىق وداققا ەنۋ كەزىندە رەسپۋبليكانى بەيىمدەۋ ءۇشىن قاراستىرىلعان 100 ملن دوللار تەحنيكالىق كومەك ءبولۋ جونىندە قازاقستانمەن كەلىسىمشارتقا قول قويدى, دەپ مالىمدەدى سەيسەنبى كۇنى قىرعىز پرەمەرىنىڭ ورىنباسارى ولەگ پانكراتوۆ تىلشىلەرگە, دەپ جازادى abctv.kz.
«كەشە 100 ملن دوللار تەحنيكالىق كومەك ءبولۋ جونىندە قازاقستانمەن ارادا قۇجاتقا قول قويدىق. ول قاراجات ۆەتەرينارلىق قاۋىپسىزدىككە بايلانىستى ماسەلەلەرگە باعىتتالادى», – دەپ مالىمدەدى ول.
قىرعىز شەنەۋنىگى اتاپ وتكەندەي, رەسپۋبليكا ەاەو-عا قوسىلعان كەزدە رەسەي مەن قازاقستان وتكىزۋ پۋنكتەرى مەن زەرتحانالاردى جاڭعىرتۋعا قارجى ءبولۋدى ۋادە ەتكەن.
«رەسەي تاراپىنان قۇجات ىسكە اسۋدا, قاراستىرىلعان 200 ملن دوللار قاراجات ترانشپەن ءتۇسىپ جاتىر. قازاقستانمەن 100 ملن دوللارعا ءدال وسىنداي كەلىسىمگە كۇنى كەشە عانا قول قويىلدى», –دەپ اتاپ ءوتتى ول.
ولەگ پانكراتوۆتىڭ ايتۋىنشا, «ەلدەر اراسىندا تەمىرجول تاسىمالى بارىسىندا برىڭعاي كەدەندىك ءتاريفتى قولدانۋ تۋرالى كەلىسىمگە قول قويدى. بيىل جىل بويى جۇرگىزىلگەن كەلىسىم, كەلىسسوز قازاقستان اۋماعى ارقىلى رەسەيدەن ستراتەگيالىق ماڭىزدى تاۋارلاردى جەتكىزۋدى ارزانداتۋعا باعىتتالعان. ول جانار-جاعارماي, مەتال جانە اعاش». ونىڭ ايتۋىنشا, قازاقستان ازىرشە قىرعىز-قازاق شەكاراسىندا وتكىزۋ پۋنكتەرىندە مال ۆەتەرينارلىق باقىلاۋدى الىپ تاستاۋدى قولداپ وتىرعان جوق.