ۇلىبريتانيانىڭ تانىمال پوپ-ءانشىسى دجوردج مايكل 53 جاسىندا ومىردەن ءوتتى, دەپ حابارلايدى ۆۆس.
ء"بىزدىڭ سۇيىكتى اعامىز, دوسىمىز دجوردج روجدەستۆو قارساڭىندا قايتىس بولدى. ونىڭ وتباسى وسى قيىن شاقتا كوپشىلىكتەن سىيلاستىق كۇتەدى. سەبەبى ازىرگە ءبىز ەشقانداي مالىمدەمە جاساي المايمىز", دەدى تەلەارناعا ءانشىنىڭ جارناما بويىنشا اگەنتى.
دجوردج مايكل - تانىمال ءانشى. 1963 جىلى دۇنيەگە كەلگەن. مۋزىكالىق مانسابىندا ءجۇز ميلليوننان استام ءان تاسپالارى ساتىلعان. ول "جىل البومى" اتالىمى بويىنشا ەكى رەت گرەممي سىيلىعىنىڭ نومينانتى بولدى.
دجوردج 1981 جىلى ەندريۋ ريدجليمەن «The Executives» توبىن قۇردى. كەيىن ەكەۋى دۋەت بولىپ, «Wham!» دەگەن اتپەن ساحناعا شىقتى. ال جالعىز ءان ايتا باستاعاندا العاشقى جيناعىنىڭ ءوزى 16 ميلليون تارالىممەن ساتىلىپ كەتتى. "بيللبورد" جۋرنالى سول جيناقتى اقش-تاعى ەڭ كوپ ساتىلعان ءۇنتاسپا دەپ باعالاعان بولاتىن. ءانشى 2007 جىلدىڭ 1 قاڭتارىندا ءبىر كونتسەرتتىڭ وزىنەن 3 ميلليون دوللار گونورار العان.
ءبىر ايتا كەتەرلىگى, دجوردج مايكل بەرلين حالىقارالىق كينوفەستيۆالىندە كورسەتىلگەن ءوزى تۋرالى دەرەكتى ءفيلمنىڭ ستسەناريىن جازعان.