قىرعىزستان پرەزيدەنتى المازبەك اتامباەۆ وزبەكستانعا جۇمىس ساپارى بارىسىندا وسى ەلدىڭ العاشقى پرەزيدەنتى يسلام كارىموۆتىڭ زيراتىنا باردى.
سامارقاندتا وتكەن كەلىسسوزدەر بارىسىندا وزبەكستان مەن قىرعىزستان پرەزيدەنتتەرى ەكىجاقتى كەلىسىم ماسەلەلەرىن تالقىلادى. كەزدەسۋ بارىسىندا ميرزيوەۆ وزبەكستان مەن قىرعىزستان اراسىنداعى بايلانىستاردى نىعايتۋ قاجەتتىلىكتەرىن اتاپ ءوتتى. سونىمەن قاتار وزبەكستان پرەزيدەنتى ەكى ەلدىڭ ساۋدا-ەكونوميكالىق كەلىسىم مۇمكىندىكتەرىنىڭ زور ەكەنىن ايتتى.
ءوز كەزەگىندە اتامباەۆ وزبەكستان مەن قىرعىزستان تاريحى ورتاق ەلدەر ەكەنىن جەتكىزدى.
"وزبەكستان مەن قىزعىزستان جەرى ەجەلدە قوقان حاندىعىنا كىرگەن. ءبىز بولاشاقتا ەكى ەل اراسىنداعى بايلانىستاردا شەكتەۋ بولماۋى ءۇشىن قولىمىزدان كەلگەنىن جاساۋ كەرەكپىز", دەدى اتامباەۆ.