بۇگىن قازاقستاننىڭ بارلىق وڭىرىندەگى رەسپۋبليكالىق ماڭىزى بار جولدار اشىق, دەپ حابارلايدى قازاقپارات.
بۇدان بۇرىن حابارلانعانداي, كەشە بورانعا بايلانىستى الماتى, جامبىل جانە وڭتۇستىك قازاقستان وبلىستارىندا جولدار جابىلعان ەدى.
اتاپ ايتقاندا, الماتى وبلىسى اۋماعىنداعى «ءۇشارال-دوستىق» جولىنىڭ 83-184 شاقىرىمىنداعى كوكتۋما مەن دوستىق ارالىعىندا كولىك قوزعالىسى شەكتەلدى.
جامبىل وبلىسىندا «الماتى-تاشكەنت-تەرمەز» اۆتوجولىنىڭ 534-593 شاقىرىمىنداعى ايشا ءبيبى-وقو شەكاراسىنا دەيىنگى ۋچاسكەسى جابىق بولدى.
ال وڭتۇستىك قازاقستان وبلىسى اۋماعىنداعى «الماتى-تاشكەنت-تەرمەز» جولىنىڭ 593-611 شاقىرىمىنداعى جامبىل وبلىسى شەكاراسىنان اقبيىك اۋىلى ارالىعىندا كولىكتىڭ بارلىق تۇرلەرى ءۇشىن جولعا شىعۋعا تىيىم سالىنعان ەدى.
«قازاقاۆتوجول» رمك-نىڭ مالىمەتىنشە, بوران بولعان ايماقتارداعى جول ۋچاسكەلەرىندە ارنايى تەحنيكا قاردان تازارتۋ جۇمىستارىن جالعاستىرۋدا. قازىرگى ۋاقىتتا ەلىمىزدىڭ اۋماعىنداعى رەسپۋبليكالىق جولداردا كولىك قوزعالىسى قالىپتى تارتىپتە جۇزەگە اسىرىلىپ جاتىر.