ۇلىبريتانيا وكىلدەرى استانا ەكسپو كورمەسىندەگى ءوز پاۆيلوندارىن كيىز ءۇي كەيپىندە بەزەندىرۋدى جوسپارلاپ وتىر. بۇل تۋرالى لوندونداعى تىلشىمىزگە بەرگەن سۇحباتىندا ەكسپو-2017-ءنىڭ ۇلىبريتانيالىق كوميسسارى ايتتى, دەپ حابارلايدى khabar.kz.
«ءبىز سونداي-اق بريتانيالىق كومپانيالارعا قازاقستانمەن ارىپتەستىك ورناتۋدىڭ پايداسى شاش ەتەكتەن ەكەندىگىن جەتكىزگىمىز كەلەدى. ونىڭ ۇستىنە سىزدەردىڭ ەلدەرىڭىز ارقىلى رەسەي جانە قىتاي سياقتى الىپ مەملەكەتتەردىڭ نارىعىنا شىعۋعا ۇلكەن مۇمكىندىك بار. 1851 جىلعى ءبىرىنشى كورمەگە 6 ملن-عا جۋىق ادام قاتىسىپ, ۇيىمداستىرۋشىلاردى پايداعا باتىرعانى بەلگىلى. كەلەسى جىلى قازاقستان دا ەكسپو وتكىزۋ ارقىلى ءبىرشاما باعىتتار بويىنشا تابىسقا جەتۋدى جوسپارلاپ وتىر. ال بريتانيالىقتار ازىرگە كەيبىر ۇيىمداستىرۋ ماسەلەلەرى بويىنشا ءتىس جارعىسى جوق. بىراق ءبىر بەلگىلىسى, پاۆيلوندارىنىڭ سىرتقى ءپىشىنى قازاقتىڭ كيىز ۇيىنە ۇقساس بولماق», – دەدى ۇلىبريتانيانىڭ EXPO-2017 كورمەسىندەگى كوميسسارى چارلز حەندري.