ۇكىمەت ۇيىندە قر پرەمەر-ءمينيسترى باقىتجان ساعىنتاەۆ استانانىڭ ينفراقۇرىلىمدىق دامۋىنا بايلانىستى ءماجىلىس وتكىزدى, دەپ حابارلايدى ۇكىمەتتىڭ ءباسپاسوز قىزمەتى.
ءماجىلىس بارىسىندا جول-كولىك ينفراقۇرىلىمىنا قاتىستى ماسەلەلەر, ەسىل وزەنىنىڭ جاعالاۋىن قايتا جوندەۋ, تازالىق قىزمەتتەرىنىڭ جۇمىسى, جاڭبىر سۋلارىن جىبەرەتىن كارىزدەرگە, جىلۋ ماگيسترالى مەن ەلوردانىڭ تۋريستىك تارتىمدىلىعىنا قاتىستى جايتتەر ءسوز بولدى.
ءماجىلىس بارىسىندا استانانى دامىتۋ بويىنشا مەملەكەت باسشىسى الدىعا قويعان تاپسىرمالاردىڭ ورىندالۋ بارىسىنا ەرەكشە نازار اۋدارىلدى.