ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قازاقستاننىڭ بيزنەس احۋالىن ءارى قاراي جەتىلدىرۋ ماسەلەلەرى جونىندە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەس بارىسىندا حالىقارالىق ساراپشىلاردىڭ ۇسىنىستارى ەسكەرىلە وتىرىپ ازىرلەنگەن جانە دۇنيەجۇزىلىك بانكتىڭ «Doing Business» تىزىمىندەگى قازاقستان پوزيتسياسىن جاقسارتۋعا باعىتتالعان جاڭا زاڭ شىعارۋ باستامالارىنىڭ پاكەتى قاراستىرىلدى.
2016 جىلعى 25 قازاندا جاريالانعان «Doing Business» رەيتينگىسىنىڭ ناتيجەسى بويىنشا قازاقستان ءوز رەيتينگىن وتكەن جىلمەن سالىستىرعاندا 16 ورىنعا جوعارىلاتىپ, 35 ورىندى يەلەندى جانە بەلگيا (42), يتاليا (50), يزرايل (52), گرەكيا (61), تۇركيا (69) سەكىلدى ەىدۇ ەلدەرىنەن جوعارى ورىنعا شىقتى.