اقمولا وبلىسىندا اۋا رايىنىڭ قولايسىزدىعىنان, وتكەن تاۋلىكتەردە حالىقارالىق, رەسپۋبليكالىق جانە جەرگىلىكتى ماڭىزداعى 20 باعىت بويىنشا اۆتوكولىك جولدارى جابىلدى.
اسىرەسە, قار ارالاس قاتتى داۋىل «كوكشەتاۋ – استانا» كۇرە جولىندا ادىم جەردى كورسەتپەي تاستاعان. الايدا, پوليتسيا جانە توتەنشە جاعدايلار تاراپىنان بىرنەشە مارتە ەسكەرتپە جاسالعانىمەن, جۇرگىزۋشىلەردىڭ باسىم بولىگى ساپارىن جالعاستىرىپ, وزدەرىن جانە جولاۋشىلاردى وراسان زور قاۋىپكە ۇشىراتۋدا. باسقا باعىتتاردا دا وسىنداي كەلەڭسىزدىكتەر ورىن العان.
اقمولا وبلىستىق ءىىد جەرگىلىكتى پوليتسيا قىزمەتى تاۋلىك بويعى كەزەكشىلىك ءتارتىبىنە كوشىرىلىپ, جول-كولىك وقيعالارىنىڭ الدىن الۋعا ىقپال جاساۋدا.
بارلىق باعىتتاردا قوسىمشا 40 پوست جانە جول-پاترۋلدىك قىزمەتىنىڭ ەكيپاجى قۇرىلىپ, وعان 200 قوعامدىق قاۋىپسىزدىك وكىلى جۇمىلدىرىلدى. وسىنىڭ ارقاسىندا, 3000-نان استام كولىك قاۋىپسىز جەرلەرگە شىعارىلعان.
باقبەرگەن امالبەك,
«ەگەمەن قازاقستان»
اقمولا وبلىسى